Росгвардех дувца кино доаккхаш ба вай лоамашка
«Массахана Даьхен гӏулакха латтараш» яха исторически дувцар дӏаяздеш болх дӏахьош ба тахан, Жӏайрахьа кхален хозача моттигашка. Тӏема кино, иштта кхыдола хӏамаш юкъелаьца я из кинопроект. Таханарча Росгварде деноех, цар вахарерча гӏулакхех дувцаш болх хургба цох. Интернета хӏама доаржадара Института хьаллоацаш, «Триикс Медиа» яха цӏихеза кинокомпани я болх дӏахьош яр. Керттерча турпалхой денал, майрал гойташ дола кино вай лакхача, низ болча гӏалашта, бӏарг тӏа ца отташ хоза долча ӏалама юкъе доаккхаш хилар геттара товш, доагӏаш да ала деза.
«Сердалога» бенача хоамах, ах бӏаь шу хьалхара вай боккхача мехка истори дижад цу юкъе. Даьхен гӏулакхе латташ хьадоагӏа Нелидовы оалача тайпах дола эпсарий фу дувц цо.
Россе тайп-тайпарча ханашка лаьтта хьал довзаргда хьажархошта. XӏX-ча бӏаьшере Даьхен хӏама лорадеш лаьттарий вахар, иштта таханарча Росгварде болх бовзийташ хургда из кино.
Эпсара сий, гӏулакха тӏа бехктокхаме хилар, моллагӏа хӏама деналца чакхдаккхар юкъелаьца болх ба из. Наьха кхерамзле лораяра наькъ тӏа дукха халонаш текхача, тайп-тайпарча хӏамашта духьаллатта бийзача наьха доккха истори да из.
