Лоамашкарча «Ӏарамхи» курорта тӀабода никъ дӏакъовлабеннаб
ГӏалгӀайчен Жӏайрахьа кхале «Ӏарамхи» курорта тӀабодача наькъ тӏа нийсденна кхоачамбоацараш юстардоахаш латт. Из чоалхане хьал эттар, дукха догӀаш дийлха, лаьтта харцарах. Доккха лаьттан дакъа чутекхар лакхера лоаман никъ дӀакъовлаш, хьал-Ӏо ваха йиш йолаш бацар из.
Ӏарамхе бода никъ баьккхар, кхыча моттиге гӀолла. Цу моттиге дӏаяхийтай лаьрххӀа йола техника, наькъаш цӀенде а, чухаьрца лаьтта дӀадаккха а. ХьалхагӀа, дӏадахача кӀира Жӏайрахьа кхален кхыча моттигашка лаьтта чутакхаш нийсделар. Уж еррига моттигаш сиха мукъаяьхар кхален администраце, наькъа болхлоша. Цигара хьал тӀахьожаме да, балхаш дӀахьош да никъ хьалха хиннача тайпара меттаотталца», - аьлар «Сердало» газетага ГӏалгӀай мехка доал дара Центре.
Сиха гӏо деча болхлоша дех водителашка, туристашка лоралуш хилар, кхераме йолча моттигашка цалелар.
