Лоамара Лаьнанаькъан урам тоабе лаьрхӀад
06.05.2025 11:35
ЖӀайрахьа кхалерча «Фуртог» яхача доазон ха латтачара, Лаьнанаькъан цӀерах бола урам тоабеш, болх дӀабахьа лерхӀ. Из хоам «Сердалога» бир цигарча администраце.
ГӀаш леларашта никъ буллаш, бахархошта, хьатӀабаьхкача хьаьшашта Ӏохайша салаӀа моттигаш хургйолаш кхоаленаш оттаеш, хувцамаш де лерхӀ лоаман моттиге.
Иштта тайп-тайпара гаьнаш, кӀотаргаш дӀайогӀаш, сийрдагӀа йола лампаш йохкаш, болх чакхбоаккхаргба цига.
