Из хоам тха «Сердалога» бир цигарча болхлоша. Малхара кашамашкара хьалха а корадаьдар цу тайпара кхерий. «Ний», «Оздиге», «ТӀаргам», «Хамхи», «Аьге-Кхал» яхача гӀалай моттигашка да тахан уж тайпара малхара кашамаш.

«Дуккхача Ӏилманхоша, тохкама болхлоша – Басилов В.Н, Кобычев В.П, Ужахнаькъан М.Р, Хайранаькъан Б.А, яхачох, ханорга меттала леладаьд уж кхерий хьалхарча хана», - дийцар музее.

Тохкама болхло йолча Дзовранаькъан Танзилас «ГӀалгӀай къаман гӀоарчож» яхача ший книжка тӀа язду, уж кхертӀой цу хана ханорг даь леладеш хиннилга, дукхагӀча даькъе малхара кашамашка уж корадоагӀаш хилар. «Цхьадола иштта дола кхертӀой гӀалай пенаш тӀа чӀоагӀдаь доахк. ГӀала еттача кхертой бесах доацаш, кхыча тайпара тоадаь, кийчдаь кхертӀой да уж», - язду цо ший балха тӀа.