Даьйх йиса гӀишлош дийнлуш йоагӀа
Лоаман ГӏалгӀайче дӀахьош да, гӀалгӀай къаман культуран тӀехьален гӀишлош тоаяра дола балхаш. Жӏайрахьа- Ахабоарзен историко-архитектурни, Ӏалама музея-заповедника болхлоша, шоашта керте Сампенаькъан А. волаш, каст-каста гӀалашкара хьал довзара болх дӀахьу.
Тӏеххьара уж баха хилар Морча, Хьамишке ягӀача гӀалашка, яхаш, дийцар «Сердало» газетага цигарча зарбан болх лелабераша.
Дӏадахача шера, Морч яхача моттиге цаӀ тӀема, цаӀ ах тӀема, цаӀ нах баьха гӀалаш тоаяьяр. Хьамишке иштта тоаяьяр шиъ тӀема гӀала. Царга хьожаш ба музея-заповедника болхлой меттел, «АСМ Групп» говзанчаш а, уж ба цу балха юкъе дакъа лоацаш.
«АСМ Групп» говзанчаша тӀахьожам лоаттабу, дӀахьош болча балха. Иштта, масала, тӀехьарча балхага хьожача хана, цига гӀишлонхоша лелабеш болча маркхала дикал йий хара, из лабораторе дӀабахьийтабар лоаттам гучабаккхара», - аьлар Жӏайрахьа-Ахабоарзен музее-заповеднике.
