Исторически дагалоаттама хӏама лорадарах, таьрахьашца дувзаденнарашца болх дӏабахьарах, дийцар мехкарча Паччахьалкхен архиве
Паччахьалкхен архива кулгал деш волча Ховтанаькъан Русланаца Магасе кхетаче дӏахьош хилар «Сердало» кепайоазон Цӏен хьалха латта Курскенаькъан Хадижат. Вӏашагӏкхетаре дийцар регионерча кепайоазон хӏама лорадарах, цу оагӏонцара бувзам чӏоагӏбеш болх дӏабахьарах.
Цхьана болх дӏахьош кхоачашде дезараш белгалдир цу кхетаче хьакимаша. Цу юкъе дар «Сердало» къаьнарча республикански газета ганза хӏама таьрахьашца дувзаденнарий оагӏонца, архивни балхаца чӏоагӏдеш къахьегар.
Кхетаче хьоахадир, лоархӏаме дола исторически каьхаташ таьрахьашца дувзаденнарий оагӏонца лорадеш хилча; уж дукхача шерашка дахаргдолга; иштта тохкамхой, историкий, ӏилманхой, мехка селханара истори довза ловш болча бахархой гӏулакх аттачахьа даргдолга. Цу лоархӏамеча культуран оагӏонцарча проектага гӏолла дӏахьоча балхаца, кхоачашде дезараш белгалдир хьакимаша. Вай республикан боккха пайда беш проект хургья ала деза цох.
