Гӏалгӏайчен ИЗО паччахьалкхен музее Илдарха-Гӏалан дешархошта экскурси йир
Гӏалгӏайчен исбахьален говзалий паччахьалкхен музей дӏахо дакъа лоацаш я «Дешархошта культура» яха ерригроссийски проект кхоачашъеш, цун керттера бахьан да - культуран дешар, кхувш йоагӏа тӏехье массайолча оагӏорахьара дегӏайоалаяр. Аргӏанарча проекта доакъашхой бар Илдарха-Гӏалан №3 йолча юкъерча ишкола дешархой. Уж боагӏаш хиларга гойтама залашка хоза экспозици кийчъяьяр. Берий таро хилар искусствай исторецара, республикан культурацара дукха кердадараш довза.
«Экскурси дӏайихьар довзара кеп йолаш. Дешархой хьожаш бар гойтаме хиннача сурташка, хӏамашка, цар ладийгӏар кхетаче дӏахьочун дувцарга, иштта шоашта бакъахьа хета хаттараш делар. Кхетаченна чудоагӏаш, берашта делар экстремизма, терроризма ийрча хьал довзийташ дола хоамий каьхаташ. Дешархошта хьалхадаьккхар, цох доккха зулам доалаш хилар. Дийхар из хоам дагалоаттабар, цунца бехктокхаме хилар», - аьлар «Сердало» газетага ИЗО Паччахьалкхен музея зарбан болх лелабераша.
«Дешархошта культура» яхача проекто хьагойтар, ше лоархӏаме хилар. Цу тайпарча кхетаченаша берий дегашка сийрда йӏовхал ют, шоай хьамсара мохк безаболийт. Музея болхлой кийча ба къонача хьаьшашта хозала керда оагӏонаш хьаелла.
