Химе Денна хетаяь йийлла урок дӏайихьар, ИнгГУ Гуманитарно-технически колледже
Паччахьалкхен университета Гуманитарно- технически колледжа лабороте химе Денна хетаяь урок дӏахьош бар. Цу кхетачен юкъе дакъа лоацаш хиннараш, дукхагӏча даькъе, «Химически цхьанкхетарий тохкам бара технологи» яхача оагӏонцара студенташ бар.
Хӏаравар ший начӏал, говзал гойта хьожаш вар цига. «Урок дӏахьош хиннараша массехк ӏилман-дешара декхар оттадаьдар шоашта хьалхашка. Таханара хьехархой технологеш юкъелоацаш, ӏомадаьр дӏа-хьа эцаш дӏахьош болх бар из. Шоаш лекцешка ӏомадаьр балхага гӏолла хьахьокха дезаш бар цига студенташ», - дийцар «Сердалога» ИнгГУ зарбан болх лелабераша. Лабораторни тохкамаш деш, шоай кхетама хьал гойташ хьайзар студенташ, беррига низ ураоттабаь.
Кхоана технологаш хинна доккха гӏулакхаш кхоачашде отта безараша хьагойтар, шоаш моллагӏа декхараш хьатӏаэца кийча болга. Къонача говзанчий вахаре чӏоагӏа лоархӏаме кхетаче хилар ала йиш яр цох. Берригаш раьза болаш, пайданедараш дӏа-хьа эцаш дӏаяхар урок.
