Мехкарча МВД болхлоша кхетаче дӏайихьар Инаркъерча нахаца
Мехкарча чурча гӏулакхех йолча Министерствон болхлошца кхетаче хилар Инаркъерча культуран Цӏагӏа. Бахархошта, ӏаьдала болхлошта юкъера бувзам чӏоагӏбеш дар из вӏашагӏкхетар. МВД Юкъарлен оагӏон Кхелага гӏолла дӏахьош бар из болх.
«Кхетаче дакъа лоацаш бар УОООП МВД болхлой, мехкарча УГИБДД МВД МО наркотикашта духьале лоаттаеча оагӏон, Россе МВД Магӏалбика кхален МВД болхлой, иштта мехкарча МВД Юкъарлон оагӏон кулгалдеш вола Гаданаькъан Муса. Юртара депутаташ, кхален хьакимаш бар иштта гулбенна. Кхетаче дийцар наркоманена, корта бохабу малар меларашта, наькъашкара бокъонаш лораеш боацарашта духьала болх лоаттабарах.
МВД болхлоша гулбеннарашка дийцар цу оагӏонца кхоачашде дезарех, иштта ӏаьдала балха отташ хилча сенгра дӏаволавала веза», - дийцар «Сердалога» Магӏалбика кхален администраце зарбан болх лелабераша.
Белгалде деза, иштта йола ӏаьдала болхлошцара кхетаченаш дӏакхахьар бахархошта лоархӏаме, дукха хаттараш доашхаш долга. Бахархой МВД къахьегамхошца массахана бувзам хургболаш эшаш да тахан из гӏулакх.
