СВО доакъашхочун дехарах, Инаркъера тока бӏоагӏий хувцаргда
28.07.2026 10:24
Магӏалбика кхален администрацена кулгал деча Къоастой Ӏаддал-Хьамида тӏадилла, Инаркъерча моттига хьал тахка арабаьлар болхлой. СВО доакъашхочо дехар даьд; Исламски оалача урамера моццагӏе хувца дезача хьале кхаьча дола дахчан тока бӏоагӏий хувца, аьнна.
«Цу урамера гӏулакх довзаш, хувца дезраш мел бӏоагӏий да хьожаш хилар из хьал меттадоаладе арабаьннараш. Къаьнара дахчан бӏоагӏий дӏадаьха, царна когаметта бетона бӏоагӏий оттадергда ураме. Болх дӏаболабе кийчо еш ба цу оагӏонцара къахьегамхой», - дийцар «Сердалога» кхален администраце.
Белгалде деза, СВО доакъашхой гӏулакхага хьажар, цар дезалашта терко лоаттаяр лоархӏамеча декхарех долга тахан. Магӏалбика кхален администраце иштта дола цхьа дехар дитац, боаггӏача боараме терко ца еш.
