ИнгГУ хьабийллар шоай декхар кхоачашдеш бейнача МВД болхлоех болча дагалоаттама гойтам
Гӏалгӏай паччахьалкхен университете хьабийллар суртий гойтам. Из хетабаь ба шоай балха декхар кхоачашдеш бейнача МВД болхлошта. Дагалоаттама гойтам вӏашагӏбеллар ИнгГУ. Из болх вӏашагӏбеллар терроризмаца къовсам лоаттабара цхьоагӏон Денна хетабаь.
«Студенташта, хьаьшашта, вуза хьехархошта дагаухар; бокъонаш лораераш; шоай тӏеххьарча денга кхаччалца денал, майрал гойташ; юкъарлон кхерамзле лораеш лаьттараш», - аьлар «Сердало» газетага из болх вӏашагӏбеллараша.
Тхоца къамаьл даьчо яхачох, терроризма духьалъэтта, шоай синош дӏаденнача турпалхой гойтам вӏашагӏболлар лоархӏаме дар университете кхетам балара болх дӏахьоча. Цу тайпара кхетаченаш хиларах таро хул исторически дагалоаттам лорабе, шоай хьамсара мохк бовза, иштта къаман хьалхашка кагирхой бехктокхам а лакхлу.
