МЧСа болхлой ИнгГУ цӏерца къовсам лоаттабе ӏомалуш хилар
Гӏалгӏайчен наха оарцагӏъухараш ИнгГУ болхлошта, студенташта лаьрхӏа цӏера кхерамзлен хьал ӏомадеш хилар. Вуза кулгалхошца, хьехархошца цхьана цар вӏашагӏбеллар, цӏаьхха, чоалхане хьал этта моттиг хилча, хьалхарча аргӏагӏа де дезар: нах, мах бола хӏамаш кӏалхаръяхара болх мишта хила беза гойташ. Цига безам барий таро хилар шоашта фу карагӏдоал хьажа.
«Ӏомабалар дӏахьош хилара бахьан дар, ИнгГУ кулгалхой, хьехархой этта чоалхане хьал сиха кхетадеш, иштта цӏи яьнна моттиг хилча из йоае ховргдолаш ӏомабар. МЧСа болхлой хьакхачалехь, де деза кулгалхошта ховш хиларо дукха хӏама юхатох», - аьлар «Сердало» газетага Гӏалгӏайчен оарцагӏъухарий боахаме.
Цу ӏомавалара даькъ тӏа университета студенташа, кулгалхоша, хьехархоша дукха кердадараш хьаийцар, уж дика кхеташ бар цӏи йоаяра хьалхарча аргӏагӏа эшаш дар нах кӏалхарбахар долга.
