Гӏалгӏай мехка 15 шу даьннача кӏаьнка, доккха къоал дарах, набахта валла ца везаш суд йир
20.07.2026 18:26
Гӏалгӏай мехка 15 шу даьннача кӏаьнка, доккха къоал дарах, ха техар. Илдарха-Гӏалан судо бехк бара кхоачам болаш да, аьнна, лаьрхӏар; тохкамхочо гулдаь тешалаш. Кхувш воагӏача моттигерча вахархочунна бехк бу 3 даькъа 158 статьяй «в» пунктах (наьха доалахьардар лочкъадарах).
«Тохкамхоша, судо лаьрхӏар, 2026 шера маьтсела бетта 4 денгара 22-ча денга кхаччалца йолча хана, тика чу паргӏатта чувала таро хиларах, Илдарха-Гӏалан тика чура ялх мобильни телефон йихьар, юкъара мах 550 000 сом болаш. Царех цо шийна бакъахьа хетар дир», - аьлар «Сердало» газетага Гӏалгӏайчен Тохкама комитете.
Зулам даьчоа судо шин шера условно оала ха техар.
