Укх бетта 27-гӏа, 28-гӏа, 29-гӏа денош болх беш хургдац
20.05.2026 11:11
2026-ча шера маьтсела бетта 27 -гӏа, 28-гӏа, 29-гӏа денош, балхара мукъа болаш, цӏай дезду денош да, аьнна, оттаяьча чӏоагӏон кулг яздир вай мехкадас Келаматанаькъан Махьмуд-ӏаьлас. Бусалба наьха вахаре лоархӏаме долча Гӏурбан денош дездеш хургба цу деношка нах.
Бахархой уж деза, беркате денош паргӏата, цхьаккха кхоачамбоацараш доацаш дӏадахьа йиш хургйолаш, министерствай болхлошта хьалхашка белггалара декхараш оттадаьд Мехкадас. ЖКХ оагӏонца дувзаденна цхьаккха кхоачамбоацар ма хилийта, аьнна, тӏадиллад мехкарча Паччахьалкхенна. Республикера хьал лорадеш, цӏай боаггӏача боараме дӏагӏоргдолаш, тӏахьожам беш хургба ӏаьдала болхлой.
