СВО виъ ветерана фусамашка атта хьалаш кхеллар вай мехка
Заӏапхой болча СВО ветераний цӏеношка, цар хьал аттачахьа доаккхаш, хувцамаш деш хилар «Даьхен лорабой» яхача ганза болхлой. Дегӏа могашал эшаенна болча цу наха атто еш болх ба из. Тоачанаькъан Вахий, Чуранаькъан Ахьмада, Чопанаькъан Мухьмада, Овшанаькъан Аласхана фусамашка кулг тохаш дола гӏулакх чакхдаьккхар укх кӏира.
«Тӏема аренашка лозабаь хиларах, заӏапхой болча бӏухошта цӏагӏа лела, цхьацца гӏулакхаш кхоачашде, шоай дегӏага хьажа аттагӏа хургдолаш деш хувцамаш да уж.
«Хьаькъале цӏа» яхача оагӏон чудоагӏаш да из деррига. Дегӏа маьженаш лертӏа болх беш йоацача СВО доакъашхошта чӏоагӏа лоархӏаме да терко еш, ма могга вахара хьал аттачахьа доаккхаш хилар. Лакха тӏахьожам беш болх ба из тахан вай мехка. Цу оагӏонцара болх ше-ший аргӏагӏа дӏахьош ба тахан», - дийцар «Сердалога» заӏапхой гӏулакхех болча оагӏон доакъашхо йолча Борзенаькъан Лейлас.
Цу хувцамашка гӏолла шоашта гӏулакх де, цӏагӏа гӏолла лела аьттув ба заӏапхой. Тӏема аренашка Даьхен хӏама лорадеш лаьттарий дега тоам беш хӏама да из. Цу программага гӏолла болх дӏахохьош, заӏапхой оагӏув хьаллоацаш хургба мехка.
