Контрактах тӏема декхараш кхоачашде вахара пайдах дувц мехка
Контрактах тӏема декхараш кхоачашде вахар хьаллоацаш, хоамашца гӏо деш ба мехкарча Миннаце. Из хоам «Сердалога» бера цу моттигера. «Саг чувоацаш гӏетташ долча гӏирсий эскаре контрактах декхараш кхоачашде вахарах дувцаш дола каьхаташ паччахьалкхен программага гӏолла болча балхаца кийчдаь, мехкарча Тӏема комиссариате дӏачуделар министерствос.
Муниципалитеташка гӏолла дӏа-хьа йоаржае аьнна 30 баннер дӏаяхьийтай, иштта 4500 буклет, тайп-тайпарча боарамах дола «плакаташ» кийчдаьд тахан», - йоах министерствера бенача хоамо.
Контрактникашта ӏаьдалгара хьадоагӏаш мел долча хӏамах яздаьд цар тӏа, цу юкъе да ахча, цкъара хьалуш дола рузкъа, тӏема ипотеканна юкъе дакъа лаца йиш хилар, тӏалатта декхар дӏадаккха аьттув хилар, моастагӏчун гӏирсаш дохадарах ахчан преми телар. Деррига а моллагӏа кхетаргволча тайпара белгалдаь да.
