Гӏалгӏай мехка дика кхоачашду наькъаш тоадара балхаш
Гӏалгӏайче дӏахьош да наькъаш тоадара балхаш, «Вахара хьалаш хьакхоллар» яхача къаман проекта чудоагӏаш. Керттера наькъаш тоадеш да, иштта наькъа кхерамзлен ӏалашо а ю цунца цхьана.
«Къаман проекташ хилар бахьан долаш, вай республике дукха хӏама хувца таро хилар, массайолча оагӏорахьара тоадеш латт наькъаш, гонахьа карташ еш, гӏашлой наькъаш дехкаш лостамаш даьд.
Лоархӏамеча моттигашта тӏабода никъ къаьстта терко лоаттаерех ба», - аьлар ший телеграм-оагӏон тӏа Гӏалгӏайчен Кулгалхочо Келаматанаькъан Махьмуд-Ӏаьлас.
Карарча шера республикан машина наькъашка 650 керда наькъа белгало оттаергья, иштта 78 эзар метр наькъа оасаш дохийтаргда, 6 эзар метр гонахьа карт ергья.
Карарча хана дика чакхбаьлар 12 километр йола «Сурхотӏе-Алхасте» машина никъ. Дика кийчо еш я цӏенхаштта тоабарга «Гӏайрбик-Юрт-Соагӏапча» яха никъ. Цул совгӏа, дӏахьош да балхаш Магӏалбикерча Нурадилова Х. цӏерагӏча урам тӏа - из лоархӏаме моттиг я, дукха низ а нах а тӏалатташ: цига гӏашлой а бераш а дукха лел.
Ахкан ха хьакхаьчача, бераш дешара чухийцача лоархӏаме хул наькъа кхерамзле лораяр. Цудухьа цу моттигашта дукхагӏа кийчо а лоаттаю.
