Наьна метта итт ди да мехка дӀахьош
26.02.2025 10:05
Республикерча ишколашка, иштта кхыйолча моттигашка дӀахьош да гӀалгӀай метта итт ди. Укх наькъа иштта йола кхетаче дӀайихьар Яндарерча, зовне екача байташца вайна юкъе белгалваьннача байтанча Хьоашаланаькъан Ӏаьлий цӀи лелаеча № 1 йолча ишколе.
«Кхетачен керттера декхар - наьна меттацара безам совбаккхар, шоай къаман мотт лоархӀаш, лорабеш йола тӀехье ураоттаяра тӀехьа къахьегар, къаман йоазонхой, байтанчий цӀераш царна дӀайовзийтар», - дийцар тхога цигара.
Наьсарен кхалерча хьехархошца «ГӀалгӀай мотт - халкъа ганз» яха семинар дӀайихьар цига, иштта йийлла урокаш, яхьаш, гойтамаш хилар.
