Гӏалгӏай мехка дика дегӏадоагӏаш латт, карта тӏара ахча дӏадалара гӏулакх
Карарча шера кӏимарса бетта баьча хоамах, Гӏалгӏайчен банкоматаш, ахча дӏадалара гӏирсаш 3 122 ба. Республикан хӏара эзар сага цхьа шу хьалха 4,9 хиннача, хӏанз 5,8 гӏирс кхоачаш ба. Дукхагӏа из хьал дегӏадоаладераш мах беш йола моттигаш я. Тикашка электронни гӏирсаш 12 бетта 22% лакхделар (2 382-гара 2 905-га кхаччалца). Банкоматаш латта доазув а шерлуш доагӏа – 197-гара 217-га кхаччалца.
«Из деррига хьал дегӏадоагӏаш хиларо хьагойт наха мах цу тайпара дӏабалара лакха тешам луш хилар. Банкаш республике дукхагӏа хулаш йоагӏа, бизнеса юкъейоах керда таронаш, мах дӏабалара хьал аттача доаккхаш. Из деррига Россе банко, моттигерча ӏаьдало цхьана къахьегарах хулаш да. Лоархӏаме да, тахан ахчан хьалаш массанега хьакхоачаш хинна а ца ӏеш, кхерамзле йолаш хилар», - аьлар ше къамаьл деш Гӏалгӏайче гӏолла йолча Россе Банка даькъа кулгалхочо Зайцев Вадима.
2026 шера шоллагӏча квартале белгалдир, карта тӏара ахча дӏадалара гӏулакх чӏоагӏлуш хилар. Из хилар шерга диллача 17%, из ба 3,4 млн.боарам. Цу тайпара беш бола болх лакхбелар 19%, из 27 млн сом совгӏа да.
Мах дӏабалара хьал дегӏадоаладара, республике тахан 670 эзар таро я. Из да, республикан хӏара вахархочунна тахан цхьан картал совгӏа кхоачаш хилар.
Ахчан таронаш лелаяра керда хьалаш хьакхоллаш да. Гӏалгӏайчен бахархошта уж хьалаш дӏакхачийтара йоккха проект дӏахьош я. Из декхар кхоачашдеш къахьегаш я республикан Паччахьалкхе, Центробанка отделени, моттигера ӏаьдал, кредиташ тела моттигаш, бувзама оагӏонаш.
