ӏаьдала болхлочунна кхаъ баларах, кхыча мехкара бахархой суде кхаьчаб
Кхаъ бенна ӏаьдала болхло шоаш яхачунна хьатӏавоалаве гӏийртача кхыча мехкарча шин сага суд ергья. Россе СК Наьсарерча оагӏон болхлоша техкад из деррига. РФ УК 3-ча даькъа 30-ча ст., 2-ча даькъа 291-ча ст. бехктокхаме озаргба уж нах, доккхача ахчанца кхаъ бала гӏортарах.
«Тохкама оагӏон болхлоша тахан белгалдечох, 2021-ча шера цу наха полице болхлочунга 150 эзар сом ахча деннад, РФ доазон тӏа ха къоастаяь доацаш баха йиш хургйолаш. Бакъда из гӏулакх царна ма хетта дӏачакхдаьннадац, хӏана аьлча полице болхлочун кара хиннадац из вӏаштӏехьдаккхар. Тохкама болх дӏахьош къахьийга, судага дӏаденнад цар гӏулакх», - дийцар «Сердалога» мехкарча тохкама комитете.
Тахан суде къоастадеш латт МВД миграцеца дувзаденнарашца хьалхагӏа болх беш хиннача сага гӏулакх. Полице болх беш хиннача сага тӏатетташ массехк зулам да, кхаъ эцар (РФ УК 3-ча даькъа 290 ст.), тийшаболх кхостабар (РФ УК 3-ча даькъа 159 ст.) юкъе долаш.
