Гӏалгӏай мехка юкъейоалаергья таьрахьий кеп йола технологеш
Минеральни Водашка Кавказа инвестицей кхетаче дӏахьош, Гӏалгӏайчен Минпромцифр, «БИМ ЭНВЕЛОП» компане шоайла чӏоагӏо йир бувзам лелабе.
Бувзам лелабара бахьан дар таьрахьий кеп йола технологеш юкъеяхар, культурнан тӏехьален моттигаш лораяр, республикан вай заман шахьара хьал дегӏадоаладар.
Тамашийна гӏалай комплексаш, Гӏалгӏайчен архитектура сийленгаш хургда «таьрахьий шолгӏаргаш», цо таро лургья уж тоадеш бола болх аттача баккха, мехка хьаькъале экосистема хургйолаш.
«Барт бара къаьстта йола оагӏув хетаяь яр эша болхлой кийчбара. Республикан студенташта, къонача говзанчашта вӏашагӏйохкаргья болх бе ӏомалу компане даькъ тӏара моттигаш; иштта хургда ӏомавеш дола говзанча хьехамаш; технологех, хоамий моделированех, вай заман проектех йола семинараш. Из деррига деш да дӏахьош йола проекташ дикагӏа вӏашагӏйохка таро хургйолаш, царна хетаяь конференцеш кийчъяра, тематически гойтамаш, кхыйола яьржа кхетаченаш дӏаяхьара», - аьлар «Сердало» газетага Гӏалгӏайчен Паччаьалкхено.
Гӏалгӏайчено тешшаме чӏоагӏъю тамашийна ӏадатий архитектура, хьалхале лелаеча таьрахьий хаттараш кхоачашдара йола оагӏув. Хоамий кеп лелаяра дола хьал юкъедаккхарах, республико хьакхолл гӏалаш лораяра дола хьалаш - мах баь варгвоаца къаман белгало.
Цу тайпара хиларо таро лу исторический тӏехьале лорае, шахьара хьал дегӏадоаладара дика кӏийле е. таьрахьашца дегӏаахаро республикан таро лу хувцамаш вахара юкъедаха, цу юкъе дӏаяхача ханацара ший бувзам ца боабеш.
