Бокъонаш толхаяр бахьан долаш, бехктокхаме озаргва вай мехка пирстоп волаш болх баь саг
Ший балха тIа гIалатваьнна хиларах, суде бехктокхаме озаргва пирстоп хинна вай мехкахо. Из хоам «Сердалога» бир Iаьдала болхлоша.
Россе ФССП шахьарерча моттига оагIон суда пирстоп волаш болх баьча сага гIулакх къоастадеш хилар Илдарха-ГIалий тIарча прокуратуре. Ший декхараш боаггIача боараме кхоачашцадарах бехке веш ва из. Мехкарча Россе ОСБ УФССБ белгалдаьрашка гIолла хьадийллад цунна духьала гIулакх», - йоах тхога бенача хоамо.
Тохкама болхлоша белгалдечох, 2025-ча шера маьтсела бетта, ший балхара декхараш кхоачашдеш волаш, гIалатваьннав из. Декхар тIалатташ волча сага машинаца дувзаденна бехк бу каьхат дIадоаккхаш болх дIабихьаб цо. Из бахьан долаш, наькъашкара бокъонаш ца лархIарах Iаьдало хьатеха латта 39 эзар сом ахча доллашехь, машин кхыча сагага йохка аьттув баьннаб декхар дIатакха дезаш хинначун.
Иштта 2024-ча шера ахкан хана, из тайпара болх дIабихьаб цо 12 эзар сом наькъашкара бокъонаш лораеш цахиларах хьатеха латтача сага машинаца.
Шахьарерча суде тохкаш да тахан пирстоп хиннача цу сага гIулакх.
