Керда хьалаш мишта болх беш да а, вахара новкъостал дар аттача мишта доаккхаргда а дийцар ГӏалгӀай Республике гӀолла йолча СФР даькъа кулгалхочо Йовлой Зубейрас.

«ЗАГСа болхлошкара, нанас бер даь хиларах хоам хьакхаьчача пхе дийнахьа, из ше-ше дӀадохьийт наьна доалахьарча кабинете, из я госуслугаш оалача портала тӀа. Цига гӀолла цу дезала таро я ший ахча хьаэца е цох ший де дезар де, иштта юхедиса ахча хуле цунна тӀахьожам лоаттабе. Дехар а ца яздеш, наьна капитал оала ахча хьаэцара никъ лелабеш ба 2020 шера денз», - аьлар Йовлой Зубейрас.

«Наьна капитал оала ахча 2024 шера 630 эзар 380 сом да хьалхарча бера, шоллагӀча бера 833 эзар сом да, нагахьа санна хьалхарча бера из ахча хьаэцанза дале.

Нагахьа санна хьалхарча бера из ахча хьаийцадале, тӀаккха луш дола ахча шоллагӀча бера 202,6 эзар сом да.

Из ахча шийна бакъахьа хетача массехк даькъа дӀадахийта йиш йолаш да, цу юкъе вахара хьалаш тоадара, берашта дешара Ӏалашо яра, (иштта деша даха ха йоацача берашта а, бера кхо шу даларга ца хьежаш), наьна хургдола пенси вӀашагӀдоллара, могаш доацача берашта цар могашал меттаоттае лорий гӀирс эцара, бера кхо шу даллалца хӀара бетта наьна капитала тӀара ахча далара (нагахьа санна мехка оттабаьча боарамал,29 052 сом лохагӀа цар фусаме чудоагӀаш дар хуле)», - аьлар ГӏалгӀай республике гӀолла йолча СФР даькъе.