«Росси берий бӏаргашца» яха СВО ветераний берашта хетабаь болам дӏабихьар вай мехка
14.07.2026 11:03
«Росси берий бӏаргашца» яха СВО ветераний берашта хетабаь исбахьален болам дӏабихьар вай мехка «Даьхен лорабой» яхача ганза моттигерча филиала болхлоша. «Тематически сурташ даьхкар бераша.
Керттерча биъ оагӏонца дӏахьош бар из болх: «Даьхен сурт диллар», «Коталон сурт диллар», «Са турпал», «Россе белгало», - дийцар «Сердалога» болам дӏахьош хиннараша. Шоай дега хьал довзийта аьттув бар берий, цу кхетаченга гӏолла. Чӏоагӏа раьза долаш, вӏаший доттагӏал тоссаш, дӏайихьар бераша из ха.
Цул совгӏа, ганза болх бовзийташ йола программа кийчъяьяр царна цу гӏулакха хьалхаэттараша. Боламе дакъа лоацаш мел хиннача берашта грамоташ, иштта мерза совгӏаташ декъаш, дӏадийрзар из гӏулакх.
