Кагирхошта лаьрхӏа деш, дукха хӏама да вай мехка
Берашта салаӏа моттигаш ӏалашъеш, кагирхошта боккха аьттув луш, къахьегаш ба мехка. Из хоам «Сердалога» бир мехкадаь зарбан болх лелабераша.
«Бера чӏоагӏа лоархӏаме да ший денош мишта дӏаухаш да. Боаггӏача боараме деррига тоадаь хилча, салаӏар а пайда беш, дега тоам беш хул. Цхьацца керда хӏама ӏомаде, тахка безам хул бера», - белгалдир вай мехкадас Келаматанаькъан Махьмуд-ӏаьлас къонача тӏехьен лоаттабе безача хьехамах дувцаш.
Дешара программашка, тайп-тайпарча гулламашка дакъа лаца, керда новкъостий лаха аьттув луш йола, 200 сага лаьрхӏа таханарча хано дӏадеххача тайпара тоаяь моттигаш - модульни корпусаш я вай мехка.
Цул совгӏа, Наьсаре, Шолжа-Шахьаре, Жӏайрахьа а Наьсарен а кхалешка кагирхошта лаьрхӏа моттигаш я хьаеллаш. Цхьацца пайдане, беркате хургдола гӏулакхаш доаржаде, тоабанца къахьегаргдолаш новкъостий лаха, вӏаший бувзам чӏоагӏбе аьттув хургба къонабарий.
