СВО веннача бӏухочун йоӏа новкъостал дир ахча хьаэца
Веннача СВО бӏухочун мехка кхыча моттигера ахча хьаэцаш халонаш нийсъелар Ӏамарханаькъан Раисайна. Цунна доагӏар моттигера луш дола ахча Санкт-Петербурга ӏаьдалгара, бакъда юридически оагӏорахьа нийслуш дола хаттараш ше тӏайоацаш леладе хала дар цунна. Из хаттар дахьаш ера из Шолжерча ганза вахара болх лелабер йолча.
«Вахара оагӏон болх лелабечо массайолча оагӏорахьара новкъостал дир из хаттар кхоачашде. Санкт-Петербурга сага бокъонех волча викалга деррига каьхаташ дӏадахьийтар, цу кхалсага ӏаьдалгара новкъостал доагӏаш хилар чӏоагӏдеш. Из ахча хьаийца яллалца, бокъонаш лораяра оагӏорахьара новкъостал лоаттадир цунна», - аьлар «Сердало» газетага «Даьхен лорабой» ганзе.
Гӏулакх сиха кхоачашдир. Деррига а 10 ди мара эшанзар ахча Ӏамарханаькъан Раисай чота тӏа хьатӏадала. Цо дег чура даькъалаювц «Даьхен лорабой» ганза Филиал иштта из ший гӏулакха оарцагӏъяларах.
