НКОца бувзам чӏоагӏбергба моттигерча «Цаӏ йолча Россе»
Магасе дӏахьоча кхетаче, цхьан истола гонахьа гулбелар НКО хьинардараш, юкъарча оагӏонцара доакъашхой, «Цаӏ йолча Россе» партийцаш, Халкъа Гуллама депутаташ хила ловш бола таханара кандидаташ. Вӏашагӏкхетаре дийцар 2026-ча шерарча маьцхали бетта 22-ча дийнахьа XXӏӏӏ парте съезде чӏоагӏо яьча, кердаяьккхача Къаман программах. Коммерчески лоархӏаш боацача оагӏон хӏама тоадарах, ха яхача, дегӏа могашал эшаеннача наха гӏо дарах, историчски тӏехьале лораяра проекташ йоаржаярах дийцар цига.
«Цаӏ йолча Россена» хьалха латтача Медведев Дмитре нах тӏаийбеча моттигерча оагӏон кулгалдеча Далганаькъан Ровзата белгалдир, программа кийчъеча хана НКО, граждански хьинардарашта хетар теркалдаьлга», - дийцар «Сердалога» «Цаӏ йолча Россе» республикан даькъе.
Коммерчески лоархӏаш боацача оагӏонцара, юкъарча моттигашцара бувзам чӏоагӏбе лаьрхӏа болх ба мехка тахан дӏахьош. Бахархошцара гӏулакх боаггӏача боараме лорадара терко йир кхетаче. Вахаре лоархӏамедараш ишттача наькъаца дикагӏа къоасталургда, дӏахо дӏабахьа безача балха йист яккха а аттагӏа хургда.
