88 эзар сом мах бола барзкъаш лочкъадаьчун гӏулакх тохкаш да ӏаьдал
16.07.2026 00:16
Ше болх беш хиннача моттигера хӏамаш лочкъаяь Магасера кхалсаг бехктокхаме озаргья полице болхлоша.
«Сердалога» из хоам кхаьчар мехкарча прокуратурера. «№ 18 йолча даькъ тӏара машара судхо, 29 шу даьннача мехкахочун гӏулакх тохкаш ва. РФ УК 1-ча даькъа 158 ст. (къоал дар) бехктокхаме озаш я из тахан.
Дӏадахача шера кӏимарса бетта ше болх беш хиннача тика чура къайлагӏа барзкъаш дихьад цо. Дӏалаьрхача 88 эзар сомага кхоачаш я йихьа хӏамаш. Лочкъаяьча хӏамаех шийна ма хетта базар е лаьрхӏа хиннай из», - йоах тхога бенача хоамо.
Тика йолча даьна ше даь зе цо меттаоттадар теркаме лоацаш, 150 сахьата ӏаьдала болх бергболаш, соцам бир цун гӏулакхах.
