Роскадастре балха хиннача мехкахочунна гӏод техар, бокъо йоаца хоам боаржабарах
Роскадастре балха хиннача мехкахочун гӏулакх тохкаш хилар Магасски кхален суде. Цига болх беш хиларца ший аьттув хиларах, компьютер чура лорабеш бола, боаржабе бокъо йоаца хоам боржабарах бехктокхаме озаш ва из саг (РФ УК 3-ча даькъа 272.1.ст. «г» оагӏонах). «Сердалога» из хоам бера мехкарча прокуратурера.
Суде белгалдечох, 2025-ча шера тов бетта, мехкарча «Роскадастра» ППК филиала инженер хиларга хьежжа, «Паччахьалкхен Цаӏ йолча лаьттан доазонех йолча реестра» болх бовза аьттув болаш, вовзаш волча цхьан сага дехарах, компьютер чу федеральни бокъонца лорабеш, дӏа-хьа боаржабе йиш йоацаш бола лаьттан доазонаш, иштта кхыдараш доалахьа дарех бола хоам арабаьккхаб цу сага. Бокъонца вӏалла доаржаде йиш йоаца хӏама цо кхыча наха каракхачийтад», - дийцар «Сердалога».
Из гӏулакх тахка эттача судо, цу сага кхоабаш зӏамига ши бер хилар теркаме лоацаш, 250 000 сом гӏод техар цунна. Цул совгӏа, хоамаш лорадеш, таьрахьашца дувзаденнарех йолча моттиге цхьан шераи ах шераи болх бе йиш йолаш хургвац из.
