Тӏема аренашка де доацаш вайнача бӏухочун нанна, гӏо де хьежар «Даьхен лорбой» яхача ганза болхлой
СВО доакъашхой дезалашта терко лоаттаеш, массахана царца бувзаме болаш ба «Даьхен лорбой» яхача ганза мехкарча филиала болхлой. Исмейланаькъан Султана Хьанифа йолча баха хилар филиала доакъашхой бола Налганаькъан Танзила, Йовлой Дали. Хьанифай воӏ тахан тӏема аренашка де доацаш байнарашта юкъе ва.
Дог дехача нанна чӏоагӏа эш оагӏув хьаллацар. Тӏема моттигашка де доацаш воӏ вовр ла ма могга хала хӏама да, цудухьа цун тӏехьа гӏайгӏа еш, халоно вӏашкайихьа ягӏача нанна могачох психологически оагӏонцара гӏо деш хилар, даиман уллув хилар чӏоагӏа лоархӏаме да. Бийсан наб ца кхеташ, дег чура кхерам дӏа ца боалаш; халчаэттача кхалсага из хьал цхьа кӏеззига аттачахьа доаккхаш дола хӏамаш хьийхар психолога. «Сердалога» из хоам кхаьчаб ганза филиалера.
Хьанифайга дийцар тахан цу оагӏонца болх дӏахьош, тохкамаш деш къахьегаш хиларах, иштта ДНК-экспертиза йоаккхаш а. Цу саготоно дегӏа могашал эшаяьча наьнага санаторе яхар дикка пайда беш хургда, аьнна, хьалхадаьккхар «Даьхен лорабой» яхача ганза мехкарча филиала болхлоша.
