Гӏалгӏайчен «Даьхен лорабой» ганзо хьаллаьцар веннача бӏухочун дезал
Гӏалгӏайчен «Даьхен лорабой» ганза филиале, де доацаш вайнача СВО доакъашхочун нанна Харсенаькъан Килара Розайна бокъонаш меттаоттае новкъостал дир. Цун воӏ укх ийс шера мичав ца ховш ва лаьрххӏа йола тӏема операци дӏахьоча даькъ тӏа. Из кхалсаг ера вахарца дувзаденна дешаш къестаду болх лелабераш болча, шийна юридически новкъостал дехаш. Говзанчаша цун хаттараш кхоачашдара болх дӏаболабир.
«Бокъонах доагӏаш дар цу дезала лоаттадара эшаш хиннар дар судага гӏолла из венна хилар чӏоагӏдар. Ганза говзанчаша судага гӏолла, цун воӏ Харсенаькъан Руслан венна хилар чӏоагӏдеш дола каьхат даьккхар.
«Даьхен лорабой» ганза филиала вахара дешашца бувзабенна болх лелабеча Гӏаппархой Мухьмад-Башира из хаттар ший теркаме ийцар. Цар каьхаташ гулдара болх дӏабихьар Адвокатий палата юристаца. Цо новкъостал дергда цу кхалсага хаттар суде дувцача хана.
Цо таро лу законах доагӏаш дола паччахьалкхен ахча, пособи хьаэца», - аьлар «Сердало» газетага «Даьхен лорабой» Паччахьалкхен ганза филиале.
Цигарча кулгалхоша Харсенаькъан Розай хаттар даим шоай теркаме лоаттадергда. Дӏахо из гӏулакх дӏахьош хургва Шолжерча даькъа ганза вахара дешаех бола болх лелабу Гӏаппархой Мухьмад-Башир.
