СВО ветерана гӀо дир «Даьхен лорабой» яхача ганзо
ТӀема операце доакъашхо волча МурдаловгӀар Замбека гӀо дир «Даьхен лорабой» яхача ганза моттигерча филиала болхлоша. ТӀема аренашкара лозаваь хиларах цӀавайтав бӀухо, ганза болхлошка заӀапхо хилар чӀоагӀде эшача каьхаташца новкъостал де шийна, аьнна, дехар дир цо. Ӏарапханаькъан Мухьмад оарцагӀваьлар цун гӀулакха.
«2023-ча шера СВО доакъашхо хила раьза волаш, Украине вахар Замбек. ЛНР, ДНР моттигашка геттара чоалхане дола декхараш кхоачашдеш лаьттав из. Лозаваь хиларах цӀавайтав цигара. Ший дегӀа могашал меттаоттаеш дикка къахьега дезаш ва из тахан.
Ӏарапханаькъан Мухьмад эттар, эшаш дола каьхаташ гулдеш, цунна гӀо де», - дийцар «Сердалога» цу моттиге. ТӀема аренашка лозаваь хиларах кхоалагӀча оагӀонцара заӀапхо хилар чӀоагӀдеш каьхаташ хьаделар Замбека. Ветеран раьза волаш чакхдаьлар деррига.
