Вахара оагIон ганзера дукха ахча дахьа гIийртар соцавир мехкарча ФСБ
30.07.2026 00:52
Тийшаболх лелабеш хиннача 54 шу даьннача вахархочун гIулакх соцадеш хилар, Россе ФСБ вай мехкарча оагIон болхлой. РФ Вахара оагIон ганзера ахча лочкъаде гIортар тIатетташ да цунна тахан.
«Белгалдечох, 2023-ча шера лайчиллан беттагара 2026-ча шера ахкан хьалхарча беттага кхаччалца, ший цIен-нана кхелхалга къайлакхухьаш, цун банковски карта тIа хьатIаухаш хинна заIапхо хиларах дола пенси шийна ма хетта дохкаш ваьхав из. Вахара оагIонцарча ганза 1 миллион сом совгIа зе хиннад, из бахьан долаш. Тахан РФ УК 4-ча д. 158 ст. (хIама лочкъадар) бехктокхаме озаш ва из. Цу гIулакхаца дувзаденна мел дола хIама гулдеш, тохкаш ба тахан Iаьдала болхлой.
