Наггахьа мара гуш доаца чӀагарг-альбинос бӀы беш доалл вай мехка
02.07.2025 09:07
МагӀалбика кхалерча Заьзгакъонгий-Юрта, ший дега ма тов моттиг хержа, бӀы беш доалл лоа мо кӀай чӀагарг. Наха санна чӀоагӀа дезаш, тӀаийцад из кӀалхарча кхыча чӀагаргаша а. Дерригаш а, хоза барт тайна, цхьан бӀена чу дӀахийшад уж.
«Альбинизм наггахьа мара нийслуш дац оалхазарашта юкъе. Тамашийна хоза Дала кхеллача цу чӀагарга шийна тоам бола моттиг кораяьлга гуш да», - дийцар тхога Ӏалама гӀулакхех йолча министерстве. ЧӀагарга тӀехьа тӀахьожам лоаттабеш, цун вайцига Ӏер миштад хьажа лаьрхӀа ба Ӏаламах дог лазараш.
