«Тушоле» цӀай дезде кийчлуш ба республике
23.04.2024 09:14
ХьатӀабоагӀача бетта 1-ча дийнахьа, республике дезде лерхӀ, вай даьша леладаь «Тушоле» бӀаьстан цӀай. Шолжа-Шахьарерча культуран цӀагӀа кийчон болх дӀаболабаьб.
Из хоам «Сердалога» бир шахьара администраце. Цу цӀайца дувзаденнараш ма хулла шерагӀа дӀахьокха лерхӀаш ба, культуран цӀен болхлой. Тушолкотам (удод) хьакхаьчача, бӀаьстан балхаш дӀадоладе ха этта хиларах хоам беш хиннаб наха шоайла. «Тушоли» яха цӀай дӀахьош хиннад цу гӀулакха лаьрхӀа.
«Яхьаш дӀакхухьаш, къаьстта чӀоагӀа кийчо еш хиннай цу цӀайга мехкараша», - дийцар таханарча мехкарашка культуран цӀен болхло йолча БантаевгӀар ТӀауса. Ӏадатех йолча ишкола кулгал деча Ӏалбаканаькъан Хаважа, Малсаганаькъан Ахьмада кагирхошта дийцар, фу яхилга да Тушоле цӀай».
