ГӏалгӀайчен почта болх эргабоаккхаш, тоабеш латт
ГӏалгӀайчен почта болх тоабергба дӀахо, яхаш, дийцар «Сердало» газетага мехка кулгалхочун зарбан болх лелабераша.
«ГӏалгӀайчен бахархошта кастлуш гургда почтан балха юкъедоахаш дола хувцамаш. Хьалъеш я керда моттигаш, къаьнаръяраш кердайоахаш латт, наха деш дола гӏулакхаш сихагӀа, аттагӀа дӀакхоачаргдолаш. Карарча шера хьалъе лерхӀ Наьсарен кхален Сурхо тӀа керда почта, иштта Пхьилекъонгий-Юрта, Шолжа кхален Эбарга-Юрта почташ цӏхаштта тоаергья. Керда гӏирсаш оттадеш да», - аьлар ГӀР кулгалхочо Келаматанаькъан Махьмуд-Ӏаьлас.
ХьалхагӀа гӏишлонхоша цӏенхаштта тоайир Наьсарен-Шахьара почта. Иштта из болх баьб республикан МагӀалбика, Шолжа кхален хӏама хоржача моттигашка. Цу тайпарча балха цхьа дакъа дӀадихьар республикан йоалах баьча пайдах. Из ахча дӀадахийтар болх тоабара, кердабаккхара.
Мехкадас белгалдир, почтан болхлой хьалаш дика хила дезилга, болх дикагӀа тоабе безилга.
