Республике дехараш хьаийду, «Говзанчий мохк» яхача фестивале дакъа лаца ловрашкара
20.05.2026 15:51
Маьтсела бетта 26-ча денга кхаччалца, дехараш хьаийду, Халкъашта юкъерча «Говзанчий мохк» яхача фестивале дакъа лацара. Йоккха кхетаче дӏахьоргья аьтинга бетта 4-6 деношка, яхаш, дийцар «Сердало» газетага мехка Паччахьалкхено.
Фестивало гулбергба Россера, арахьарча мехкашкара начӏал дола говзанчаш, пхьараш, цар декъаргда шоашта ховш дар республикан бахархошца, хьаьшашца.
Из болх вӏашагӏбеллараша хӏара говзанчанна балха моттиг ӏалашъергья. Берригача доакъашхошта фестивала майдан тӏа даар, мах боацаш баха моттиг хургья.
Фестивала программа лоархӏаме дӏадехар да, хӏара доакъашхо цхьаннел кӏезигагӏа боацаш, мах боацаш говзанча хьехам, лекци е ловзарг дийнахьа дӏадахьа дезаш хилар.
