Юкъера Ачалкхе - Пхьилекъонгий-Юрт хотташ бола машина никъ тоабеш латт
01.10.2024 18:44
«ГӏалгӀай Республикан машина наькъаш тоадара» йолча республикан программа чудоагӀаш, Юкъерча Ачалкхе - Пхьилекъонгий-Юрта гӀолла бода никъ тоабеш латт, из 10,5 км бӀаьха ба, яхаш, дийцар «Сердало» газетага ГӏалгӀай Республикан машина наькъий Министерствос.
Карарча хана, наькъий болхлоша цу берригача наькъа кӀалхара кӀийле чӀоагӀъеш латт. Из болх йистебаьлча, уж дӀаболалургба асфальтобетон Ӏойилла. Дӏахо цар лерхӀ гӀашлой наькъаш Ӏодахка, наькъа белгалонаш а эшаш дола зӀамига балхаш а де.
«Из никъ тоабара болх, ГӏалгӀай Республикан автомобильни наькъий министра Хаматханаькъан Батыра тӀахьожамца дӀахьу, из йистебаргба шин кӀира», - аьлар никъ тоабераша.
