Ӏаьлий-Юрт-СурхотӀе яха никъ тоабеш латт вай мехка
31.10.2024 09:38
Ӏаьлий-Юрти СурхотӀеи ювзаш бола 4 км бӀаьха никъ тоабеш латт республике.
Из хоам «Сердалога» бир наькъий гӀулакхех йолча Министерствос. Никъ ӀотӀабилла беза кӀийле шаьръеш, тоаеш, цу кӀалгӀолла дӀайолха турбаш нийсъеш, боахк болхлой карарча хана, цул тӀехьагӀа ӀотӀабулларгба асфальт.
«Наькъий хьал тоадеча программанна юкъе ба из никъ, беха хиларах. Машинашта йоккха паргӀато хургья из тоабаь баьлча», - аьлар министерстверча болхлоша. Республикера наькъаш тоадара тӀаерзаяьча программага гӀолла дӀахьош беркате болх ба из.
