ТӀадоагӀача шера дӀахобахаьа безаш хул цу проекта болх. Укх шера тоабе лерхӀ 10 км никъ, юхейиса 12, 6 км 2025-ча шера чакхйоаккхаргья.

Карарча хана, 6 км болча наькъ тӀа, шолха асфальтабетона никъ Ӏобиллаб. Юхейисача моттига кӀийле шаьръеш боахк болхлой. ЗӀамига, боккха жагӀа юкъе бола никъ ба Ӏобуллаш латтар.

«Юрташкара наькъаш ма хулла дикагӀча хьале дерзаде гӀерташ, къахьег оаха. Гаьна уллаш бола, дуккхача моттигашта тӀабода из никъ тоабар къаьстта лоархӀаме дар. Наькъаш хила боаггӀача боараме хиларо хатараш а кӀезигагӀа хулийт, бахархошта паргӀатагӀа я», - белгалдир министерствонна хьалхалаттача Хамтханаькъан Батыра.

Юрташкара моттигаш тоаяра тӀехьа дӀахьоча паччахьалкхен программага гӀолла, кхоачашбеш ба из болх. Теркалде деза, 2024-ча шера вай мехка меттадоаладе лерхӀараш 70 км наькъаш долга.