Машин йига хинна кхыча мехкара саг лаьцар вай республике
Наьха машин йига хиннача 23 шу даьннача сага гӏулакх къоастадеш хилар Магасе. РФ УК 1-ча д. 166 ст.бехктокхаме озаш ва из судо. Лочкъае лаьрхӏа воацаш, наьха машин йигар да цунна тӏатетташ. «2024-ча шера кӏимарса бетта 22-ча дийнахьа Магасерча ше болх беш хиннача машинаш юлача моттиге «Хендэ Акцент» марках машин хьачуийцай цо.
Машина да, цунга машина дӏоагӏаш дӏаденна, ший новкъостаца кхетаче е дӏавахав. Хӏаьта дӏоагӏаш каракхаьча из саг машин хьаллотаяь, Эккажкъонгий-Юртагахьа волавеннав, из лочкъае лаьрхӏа воацаш. Наькъашкара бокъонаш лораеш воацаш, харцахьарча наькъ тӏа вувлаш, хьийдда воагӏар полице болхлоша соцаваьв. Машин Наьсарен кхален Россе ОМВД ӏочуйигай цар», - йоах «Сердалога» мехкарча прокуратурера кхаьчача хоамо.
Массехказа хьатӏавийхача а суде хьавоагӏаш ца хинна из саг, лаха эттар ӏаьдал. 2025-ча шера гуйран шоллагӏча бетта дӏалаьцар из полице. 1 шуи биъ бутти ха техар цун судо, колоне вахаш такха езаш.
