Болабалар дика доацача къоаной цӏагӏа кхадж тасса таро я
Магӏалбика кхале, кхыча Гӏалгӏайчен кхалешка санна, дӏахьош ба кхадж тассара болх. Могаш боацаш е халла мара лела ца луш болча къоаношта цӏагӏа кхадж тассара хьалаш вӏашагӏдехкад. Хоржама комиссе доакъашхой уж бахача фусамашка дӏаболх, цар конституционни бокъо кхоачашъе.
«Бахархошта юкъе къоаной дукха ба, кхадж тасса безам болаш, бакъда могашал эшаенна хиларах цар таро яц хоржама даькъ хьа хьабахка. Лаьрххӏа цу наха вӏашагӏдехка хьалаш да», - аьлар Магӏалбик кхален администраце зарбан болх лелабераша.
Хоржамаш дика дӏадахьар моттигерча ӏаьдалá керттера да. Доал деча даькъ тӏарча кулгалхоша тӏахьожам лоаттабу хоржамий комиссе балха, иштта ерригача ӏаьдала балха моттигашца бувзам лелабу. Магӏалбика кхале кхадж тоссаш ба законо дӏадеххача беса юкъе ца йоагӏа къайле йоацаш.
