Моттигерча вахархочунна суд йир, корта бохабу малар менна машинаца леларах
04.06.2026 09:55
Илдарха-Гӏала вахархо лаьца чувеллар, корта бохабу малар менна из машинаца воагӏаш хьалацарах, яхаш, дийцар «Сердало» газетага ГӏР тӏахьожамхоша.
«Гӏалгӏай Республикан Илдарха-Гӏалан судо техкар 49 шу даьннача моттигерча вахархочун Медаранаькъан М. уголовни гӏулакх. Из бехке ву РФ УК 2 д. 264.ӏ ст. (корта бохабу малар менна машинаца араваларах)»,- аьлар хоамо.
Суде белгалдир, цу сага 2026 шера саькура бетта 6-ча дийнахьа «Лада-Приора» марка автомобиль лаьлла хилар, менна волаш. Цул совгӏа из хьалхагӏа а цу бахьанах лаьца ваьлла ва.
Из машина тӏара ӏаваьккхар, ах шера лаьца валла везаш ха а техар, пхе шера машинаца аравала йиш йоацаш, машина каьхаташ дӏадаьхар.
