60 шу даьнна тиша тока огIув хувцаш, болх дIахьоргба мехка
МагIалбика кхале чуйодаш йолча Вежарий-Юрта, ах шахьара ток лоаттаеш болча 35 кв. оагIон хIама тоадеш латт мехка. 1961-ча шера денз, болх беш йола тока оагIув хувца езача кхаьчай, тахан ший болх текха яларах. «Сердалога» из хоам бера мехкарча Паччахьалкхера.
Шоаш дуаргдар диа даьнна, мурденна дахчан бIоагIий дIадоахаш, царна меттала аьшкабетона бIоагIий оттадеш боахк «Ингушэнерго» болхлой, цул совгIа тока саьргаш долхача доазон тIара гаьнаш дIатедаш болх дIабихьар. Из моттиг хала, гонахьа листа хьу йолаш хиларах, хало да болх дIабахьа. Тока саьргаш долча шоашта эша кхоачам дIатIабахьа 6 километрага кхоачаш дола доазув мукъадоаккхаш бахка бийзар болхлой.
Цу юртара лаьтта сов кIаьда, Iочуухаш хиларах, кIалха геттара екъа йолча хана мара цхьаккха болх бе аьттув хилац. Цу гIулакхо дикка хувцаргда юртара тока хьал, тишденна бIоагIий хувцаро а кхерамзленца дувзаденнараш меттадоаладергда.
