2026 шера Гӏалгӏайчено лаьрхӏад 9,4 млн доллар мах бола хӏама арахьа дӏаяхьийта
Гӏалгӏайчен АПК кхедер ди тӏехьагӏа дукхагӏа дӏадехаш да, яхаш, дийцар «Сердало» газетага ГӏР Кулгалхочун зарбан болх лелабераша.
«2026 шу дӏадолалуш, АПК экспорт 7,7% дукхагӏа хилар хьалха хинначун юхе. 2026 шера кхыча мехкашка дӏадахьийта кийчдаь хӏама 9,4 млн доллар мах болаш да, цу юкъе болх дӏахьош ба из кхы а дукхагӏа хилийтара. Терко тӏайохийт базараш дукхагӏа яра, юртбоахамаш хьаллацара, цо ший аргӏагӏа таро лургья арахеца хӏама дукхагӏа хилийтара, цун дикал лакхагӏа хилийтара. Иштта къахьегамхой а хьаллаца беза. Из къаьстта лоархӏаме да республикан экономиканна, - аьлар республикан кулгалхочо Келаматанаькъан Махьмуд-ӏаьлас.
Дӏадахача шера а республикан АПК дика толамаш даьхар - кхыча мехкашка дӏайохьийташ дола хӏама хилар 193 эзар тонн, из да 42,5 млн доллара маьха, из хила езачул 5-зза дукхагӏа я. Республико дӏадохьийт кӏа кӏа, чакхйоахаш йола продукташ, дулх, даьтта, иштта кхыдола юртбоахама товараш.
Уж лоаттаю Юхерча Малхбоале, Кавказа арахьа, цу юкъе Ирак, Гӏуозлой мохк, Гуржегӏе, Туркий морхк, Узбекистан, иштта кхыйола моттигаш я.
