7,7%-га кхоачаш, дукхагӏа хиннай вай мехка зӏамига, юкъера хӏама хьадеш йола моттигаш
2026-гӏа шу долалуча хана, вай мехка болх дӏахьош, цхьацца хӏама кхоачашдеш йола 7,5 эзар совгӏа моттиг яр. 2024-ча шерара хьал теркалдича 7,7% дукхагӏа хул уж. «Сердалога» из хоам бир мехкадаь зарбан болх лелабераша. Иштта шоаша цхьацца хӏама хьадеш бола бахархой а 20,9 эзарнегара 29,4 эзарнега кхоачаш, дукхагӏа хиннаб тӏеххьарча шерашка (41%).»
Цу гӏулакхо хьагойт хӏама хьаде ловшраш вай мехка хӏара денна дукхагӏа хулаш латтилга. Бизнес йолаеш барий оагӏув хьаллоацаш къахьег мехка. Геттара лоархӏаме да цу юкъе кагирхой хилар, иштта хьалхара гӏа боаккхаш мара боацараш а», - белгалдир вай мехкадас Келаматанаькъан Махьмуд-ӏаьлас.
Республикан кулгалхочо теркалдир, моллагӏа хӏама ший мехка доаржадар къаьстта лоархӏаме долга, хӏана аьлча цунга гӏолла вай мехкара экономически хьал тоалургда. Цхьацца бизнес дӏаяхьа ловшрашта новкъостал лоаттадар, мехкарча хьакимаша хьаллоацаш да.
