ЖӀайрахьарча дарбанчен тхов кӀалха, керда отделени хьайийллай
ЖӀайрахьа кхален дарбанчен доазонашка хьайийллай, сага могашал меттаоттаяра лаьрхӀа отделени, моттигера бахархой санна, ерригача кхален бахархой дарба де йиш йолаш ба, яхаш, дийцар администраце зарбан болх лелабераша.
Кердача отделенена лаьрхӀа, лакхара дикал йола гӀирс кхаьчар дӀадахача шера. Цу юкъа из Ӏо а оттабаь, цунца болх бе Ӏомабир лораш. ХӀанз укхаза из хилар бахьан долаш, могашал яйнача наха тӀехьара тӀа новкъостал лоаттаду лораша.
Меттаоттавара отделени лаьрхӀа я 60 сага, дарбанчен кхоалагӀча, йиълагӀча гӀаташ тӀа Ӏооттадаьд маьнгеш. ХьалхагӀа дарба де республикал арахьа дӀаваха везаш хиннавале, хӀанз ЖӀайрахьарча дарбанчен кердача отделене дарба де йиш йолаш ва моллагӀа вола унахо. Унахоша белгалду, керда аппаратура оттаяь хиларах, шоай могашал дика меттаена хилар. Царца цхьана гӀадбахаб лораш а, цу тайпара дарба де шоай аьттув хиларах.
