Салги, Хьайраха мел дола хӀама дӀаяздир
Салги, Хьайраха яхача гӀалгӀай ширача юрташка инвертаризаци еш болх дӀабихьар ЖӀайрахьа-Эcа-чӀожерча музея болхлоша, «АСМ Групп» яхача тоабанца. Из хоам «Сердалога» бир музея зарбан болх лелабераша.
«ГӀалай моттигаш тахкара тӀехьа лоархӀаме дакъа дӀалоацаш я ОКН инвертаризаци. Проектий каьхаташ кийчдеча хана, гӀалашца дувза мел деннар ма дарра довзаш хила беза из болх дӀахьош боахка болхлой, иштта ца хилча, гӀалай юххьанцара сурт тахкарах бола болх бе хало хургда», - дийцар гӀалай доазонашка къахьегаш боахкараша.
Салге таханарча дийнахьа 93 ОКН латт: 2 тӀема гӀала, 2 зӀамагӀа йола тӀема гӀала, 17 нах бахаш хиннараш, 10 малхара каш, 61 нах дӀабехка боахкачара чуртш, 1 ерд.
Хьайраха таханарча дийнахьа 67 ОКН я: 1 тӀема гӀала, 13 нах бахаш йола гӀала, 5 малхара каш, 48 чурт. Тохкама болх дӀахьош дӀаяздаьр да из.
