Кердача шера луш дола совгӀаташ дӀадекъаш да
Республике дӀаболабир, кердача шера луш дола совгӀаташ дӀадекъаш бола дика болх. Из дӀахьош дика дакъа лоацаш ва ГӀалгӀайчера РФ Паччахьалкхен Думан депутат БӀарахой Бек-хан. 20 000 хоза эрсий а гӀалгӀай а меттала йоазув даь совгӀаташ дера ГӀалгӀайче, уж хӀанз шоай йоагӀ-йоагӀача моттигашка дӀадекъаш да. Уж совгӀаташ лургда дешара моттигашка, могашал эшаеннача берашта, СВО доакъашхой берашта, таро йоацача дезалашта.
Из дика болх дӀахьош ба «ЦаӀ йолча Россе» новкъостал а деш, цо массайолча хана терко лоаттаяьй дезал а бераш а хьаллацара. Карарча шера, республикан еррига юрташ чулоацаш, дӀадекъаргда кердача шерца дувзаденна 20 000 совгӀат.
Из болх дӀаболабаьб Наьсарера. Укхаза ГӀалгӀай Республикан Паччахьалкхен Председатель Сластенин Владимир кертте вар; №№1, 2, 3, 5 йолча ишколашка, иштта лицее хьалхара совгӀаташ дӀадекъаш.
«Тхона лоархӀаме да, хӀара бера дог гӀоздаккхар, кердача шера цӀай цар кхетадар, уж гӀадбигар. Цу зӀамигача дегагӀозо хӀара цӀагӀа ираз, барт бахьалба», - аьлар Сластенин Владимира.
