Юртбоахаме къахьега ловрашта боккха аьттув луш я «Фермерий ишкол» яха, 2020-ча шера денз пайда эца проект. Белгалде деза, фермерски гӀулакх хӀетта дӀадоладаьрашта пайдане йолаш санна, дукхача хана денз цу оагӀонца къахьегаш боагӀарашта а из дика йолга.

Вай республике проекта болх дӀаболабаьб, укх бетта 5-ча дийнахьа. ХьатӀабоагӀача бетта 2-ча денга кхаччалца дӀахьоргда из гӀулакх. Лекцеш ешаш, из деррига балхаца хьахьокхаш дӀахьоргья проект.

Дешара гӀулакх доладергда хьатӀабоагӀача бетта 24-ча дийнахьа, из дӀахьоргда шин беттаи ах беттаи». Паччахьалкхен университете «Агрономи», «Зоотехни» яхача оагӀонашцара шоай кхетам лакхбе аьттув ба бахархой, дешар чакхдаьлча диплом хьаэцаш.

Проекте дакъа лаца безам бараш шоай каьхаташца министерстве дӀатӀабаха беза (КФХ балхах бола оагӀув). https://svoefermerstvo.ru/servӀses/regӀons_shf укх адресах гӀолла шоай дехар дӀадахьийта гӀо дергда царна, де дезар хьалхадоаккхаргда»,- дийцар юртбоахама гӀулакхех йолча министерстве.

Белгалде деза, «Фермерий ишкол» яхача проекто, аьттув болаш, юртбоахаме дикка къахьега, толамаш даха гӀо делга.